Categories
სტატიები

კოკიუ ნაგე – პატარა ეშმაკობა

არავითარი პატარა ტრიუკი არ არსებობს კოკიუ ნაგეს შესასრულებლად, საკმარისია აიკიდოს გადაადგილების პრინციპი დაიცვა: ირიმი-ტენკანი.

1960-იან წლებში მუცურო ნაკაძონო ცხოვრობდა საფრანგეთში, სადაც ის ტადაში აბეს იაპონიაში დაბრუნების შემდეგ დასახლდა. ერთ-ერთი გაკვეთილის დროს ბრიუსელში, ბელგიური აიკიდოს პიონერის, ჟულიენ ნესენსის დოჯოში, მოვარჯიშეთა პატარა ჯგუფი – მათ შორის პიერ შასანი, რომელმაც მიამბო ეს პატარა ამბავი – კათხა ლუდის გარშემო შეიკრიბა.

საუბარი ტექნიკას შეეხო და ნესენსმა თქვა, ნიკიოსთვის მე ერთი ჩემი პატარა ეშმაკობა მაქვსო.

ცხადია, ნაკაძონოსთვის „პატარა ეშმაკობის“ ახსნას გარკვეული დრო დასჭირდა, მაგრამ როგორც კი მიხვდა, მაშინვე ხმამაღლა შესძახა, პატარა ეშმაკობა ცუდია, პატარა ეშმაკობა სახიფათოა, უნდა მოვიშოროთ თავიდან პატარა ეშმაკობაო.

ნაკაძონოს ამგვარად იმის თქმა უნდოდა, რომ აიკიდო რაღაც პატარა ოინებზე არ დგას, რომ ის მარად უცვლელ პრინციპს ეფუძნება და რომ ტექნიკა იმიტომ მუშაობს, რომ ეს პრინციპია დაცული და არა იმის გამო, რომ ვიღაცამ რაღაც ხრიკებს მიაგნო. პატარა ეშმაკობა საშიშია, იმიტომ რომ ის გონებას პატარ-პატარა ოინებით აკავებს და აქედან მხოლოდ ის გამომდინარეობს, რომ პრინციპი მხედველობიდანაა დაკარგული და ამიტომაც აღარ მუშაობს: პატარა ეშმაკობა ვერ ჩაანაცვლებს პრინციპს.

ვიდეოში ნაჩვენები კოკიუ ნაგეს შესრულებაში არავითარი პატარა ეშმაკობა არ არის, საკმარისია აიკიდოს გადაადგილების უცვლელი პრინციპი დაცვა: გამოიყენო ირიმი-ტენკანი იმისათვის, რომ ბრუნვით გახვიდე ოთხი მხრიდან მომავალი შეტევებისაგან დატოვებულ რომელიმე თავისუფალი მიმართულებით. უკე ვარდება ზუსტად იმ ადგილას, სადაც ტორი იდგა წამით ადრე, იმ სიცარიელეში, რომელსაც ეს გადაადგილება წარმოქმნის:

ტატამის ხაზები ამ სამ ფოტზე საშუალებას გვაძლევს დავინახოთ ტორის მიერ არჩეული სხეულის გადაადგილების კუთხე და დავრწმუნდეთ, რომ ეს დიაგონალია ოთხი მხრიდან მომავალი შეტევებისათვის, როგორც ო-სენსეი ხატავდა სქემას, როდესაც ის აიკიდოს პრინციპის ახსნას ცდილობდა.

ფილიპ ვოარინო
11 თებერვალი, 2023 წელი

წყარო: https://www.aikidotakemusu.org/kokyu-nage-ptit-truc/