როგორ მოექცეს ტორი ზურგში მოწინააღმდეგეს, რომელიც თავადაა მის ზურგსუკან და მის ორივე მაჯაში ჩავლებული აქვს ხელები?
ჰანმის დგომი გასაღებია, რომელიც აიკიდოში შესაძლო გადაადგილებათა ველს აღებს.
ჰანმის დგომიდან ტორის შეუძლია პირდაპირ გადაადგილდეს მის წინ მდებარე წრეზე 270°-ით, თუმცა ვერ გადაიხლართავს ფეხებს, რომ თავისივე ზურგსუკან 90°-იან კუთხეს მიაღწიოს. მომდევნო სტატიში უფრო დაწვრილებით დავუბრუნდებით აიკიდოს გადაადგილების ამ უპირატესობებსა და სპეციფიკურ უხერხულობებს.
ისე მოხდა, რომ ირიმი ნაგეს ტექნიკური სავარჯიშო მოწინააღმდეგის ზურგში შესვლას და მის საყელოში ხელის ჩავლებას მოითხოვს.
მაგრამ როგორ შეუძლია ტორის ზურგში მოექცეს მოწინააღმდეგეს, რომელიც თავადაა მის ზურგსუკან და მის ორივე მაჯაში ხელები აქვს ჩავლებული, მაშინ როცა, ჩვეულებრივ, კუთხის ეს სექტორი მისთვის ძნელი მისადგომია ამგვარ სიტუაციაში?
ამის გასაკეთებლად რამდენიმე ხერხი არსებობს. ერთი მათგანი, ნაჩვენები ამ ვიდეოში, მოითხოვს, რომ უკე საგრძნობლად უნდა გამოვიყვანოთ წინ:
ამგვარი მოქმედება სხეულის ღერძის მძლავრი დატრიალებით მიიღწევა, ისე რომ ამ სტადიაზე ჯერ კიდევ არანაირი გადაადგილება არაა დაწყებული. ამიტომაც ამ მოძრაობის განსახორციელებლად თეძოების დიდი სიმდგრადეა აუცილებელი, რაც თავისთავად კარგი სავარჯიშოა ამ სიმდგრადის განსავითარებლად.
ამგვარად მიცემულ იმპულსს უკე 270°-იან საზღვართან მოჰყავს, რომელიც ტორისა და მისი მანევრის ზღვრულ ველს შეადგენს. ამ შემთხვევაში ამ უკანასკნელს შეუძლია იქ გადაადგილდეს ჰიტო ე მის გახსნის გამოყენებით, რომელიც საშუალებას აძლევს უკეს ზურგსუკან მის საყელში ხელის ჩასავლებად შევიდეს (ირიმი):
ამის შემდეგ მას ისღა დარჩენია, რომ უკეს დასაგდებად თავისი ტაი ნო ჰენკა დაასრულოს:
ფილიპ ვოარინო
20 ნოემბერი, 2022 წელი
წყარო: https://www.aikidotakemusu.org/ushiro-ryote-dori-irimi-nage-2/