ჰაპო გირის გადაადგილება, ისე, როგორც ის ისწავლება მეთოდში, მოითხოვს, რომ ტერფები და ჭრა მკაცრად უნდა იყოს გასწორებული ჯვრის გვერდების ხაზზე.
ეს სავარჯიშო მახვილს სვამს იმ ამბავზე, რომ გასათვალისწინებელია ოთხი მიმართულების არსებობა და არა მხოლოდ იმისა, რომელიც ჩვენ წინაა. ამ მიზეზით – სხვებს შორის – ეს შესანიშნავი სავარჯიშოა… მაგრამ უმეტოქეო. საკმარისია, ოთხი მოწინააღმდეგე დაუყენოთ უკეს გარშემო და მაშინვე მიხვდებით, რომ ამგვარი ჭრა ნიშნავს, დაარტყათ და თან დარჩეთ ოთხი მეტოქის შეტევის ხაზზე. და ეს, ცხადია, არ მუშაობს საბრძოლო ვითარების რეალობაში.
ეს ყველაფერი სრულიად ნორმალურია, ვინაიდან მეთოდში ჰაპო გირის გადაადგილება წრფივია: რაკი ის დაცალკევებულად წრფივია თუნდაც ოთხი სხვადასხვა მიმართულებით, ეს ამბავი ვერ აქცევს მას წრიულად. კარგად უნდა გვესმოდეს, რომ არ კმარა ოთხი საპირისპირო მიმართულებით ჭრა ოთხჯერ სათითაოდ, რათა წრიული (სპირალური) გადაადგილება მივიღოთ. გადაადგილება სპირალურია მხოლოდ მაშინ, როცა ის სპირალურია თითოეულ ჯერზე.
იმისათვის, რომ მეთოდის მიხედვით შესრულებულ ჰაპო გირის აზრი ჰქონდეს, კიდევ ერთხელ უნდა გამოვიდეთ მეთოდიდან და მისი წრფივი მოქმედების ყაიდიდან, რათა ხელახლა შევასრულოთ ამ სავარჯიშოს ჭრები, ოღონდ ამჯერად წრიული მოქმედების ყაიდით, რომელიც მხოლოდ ირიმი-ტენკანის ამუშავებით მიიღება.
ფილიპ ვოარინო, 2019 წლის ივნისი.