იხილეთ, ესაა TAI-ს საიტის მესამე ვერსია. ოდისეა 2003 წელს დაიწყო.
სტატიის დედანი
ზოგიერთნი ფიქრობენ, რომ აიკიდო შეიძლება განვითარდეს, მე ასე არ მგონია. ვითარდებიან ადამიანები, რომლებიც ვარჯიშობენ აიკიდოში, ვითარდება აიკიდოს მათეული გაგება, მაგრამ თავად აიკიდო, არა, არ ვითარდება. ადამიანები მიდიან, აიკიდო რჩება, მარად თავისი თავის ტოლი და სწორი, რადგან ის ადამიანს არ შეუქმნია, იმიტომ რომ მისი კანონები სამყარომ გადაწყვიტა. ამიტომაცაა იგი მარადიული. კაცობრიობას ნამდვილად შეუძლია დაკარგოს აიკიდოს ცოდნა, თუმცა აიკიდოს კანონები ვერ გაქრება და ისინი დარჩება იმათთვის, ვინც ერთ მშვენიერ დღეს მათ ხელახლა აღმოაჩენს, როგორც ო-სენსეიმ აღმოაჩინა ისინი თავის დროზე, მას შემდეგ, რაც წინა თაობებმა დაკარგეს.
საიტი TAI 2019-ში გადმოცემული აიკიდოს ცოდნა არ გახლავთ იგივე, რისი ხილვაც 2003 წელს შეიძლებოდა. თექვსმეტი წელი გავიდა მას შემდეგ, ადამიანები მოხუცდნენ, მოქნილობა დაკარგეს, მაგრამ ხედვით, უფრო ნათლად ხედავენ. ბევრია ათასწლეულების მიჯნაზე დაწერილი ტექნიკური სტატია, რომლებიც ეწინააღმდეგება დღევანდელ სტატიებს. თუმცა, ამასთან, არც ერთხელ არც ერთი პუბლიკაცია არ ამოღებულა საიტიდან, ყველაზე საჭოჭმანოებიც კი კვლავაც ადგილზეა. მხოლოდ ამ შემთხვევაში თუ შეიძლება შეაფასოს ადამიანმა განვლილი გზა და განსაჯოს განვითარება. მხოლოდ არც თუ ისე ჭკვიანებს შეუძლიათ წარმოიდგინონ, რომ ცოდნას არ სჭირდება სიმწიფემდე მისვლა, ოცდაათი წლის სხეულის ფიზიკურ სიჩაუქეს შეუძლია გააჩინოს ერთგვარი ილუზია, მაგრამ ამ ასაკში ადამიანი ვერ იქნება ოსტატი.
TAI 2003 მკვახე იყო, TAI 2019 კი შესულია სიმწიფეში, არა მხოლოდ შინაარსით, რისიც დიდი იმედი მაქვს, არამედ თავად საიტის ტექნიკური თვალსაზრისითაც და ეს აუცილებლად უნდა აღინიშნოს დღეს, როდესაც ფრანსუა დიუკროს, ვებმასტერის მუხლჩაუხრელმა შრომამ დასაბამი მისცა ამ მართლაც სამკაულს – საიტის ახალ ვერსიას.
სტატიები დიდი ხნის განმავლობაში თავმოყრილი იყო სხვადასხვა რუბრიკებში, სადაც ისინი თემატურად გახლდათ დაჯგუფებული. მაგრამ რიაი, ურთიერთკავშირი ილეთებს შორის, ხანდახან ართულებდა რუბრიკის შერჩევას, თუ სად უნდა მოთავსებულიყო ესა თუ ის მოძრაობა და, მაშასადამე, სტატიაც, რომელიც მისდამი იყო მიძღვნილი.
წლებთან ერთად გამოიკვეთა აზრი, რომელიც ამიერიდან საშუალებას გვაძლევს, დავალაგოთ პუბლიკაციები უფრო ფუნდამენტური წესისა და რიგის მიხედვით. უფრო სქემატურად ავხსნათ ზემოთქმული, საიტის პირველი ათი-თორმეტი წლის დროინდელი რუბრიკები მეთოდის ახსნისკენ იყო მიმართული, მომდევნო რუბრიკები დღემდე, გახლავთ მცდელობა იმის გარკვევისა, თუ რა ხდება საიტო სენსეის მიერ შემუშავებული მეთოდის მიღმა. ამიერიდან, სტატიები დალაგებულია მათი კუთვნილების მიხედვით საიტის ამ ორი მთავარი ღერძის მიმართ, რომლებიცაა „მეთოდი“ და „მეთოდის მიღმა“.
ამ არჩევანის შედეგად საიტის შიგთავსი უკეთ და უფრო ოპტიმალურად დალაგდა, გაადვილდა სტატიების მიგნება, გამოჩნდა ერთიანი ხაზი, რომელიც გვიხსნის მხოლოდ წინა და მომდევნო გვერდებს შორის სიარულის შეზღუდვისაგან. ამგვარად ერთი და იგივე სტატია შეიძლება გამოჩნდეს რამდენიმე რუბრიკაში, თუკი ის რამდენიმე საკითხთანაა კავშირში.
ბმულები გვერდის ქვევით საშუალებას გვაძლევს განვაგრძოთ კითხვა გახსნილ სტატიასთან დაკავშირებული სტატიებით და გვითრევს საკვლევი თემების სიღრმეებისკენ.
სტატიების გაზიარება სოციალურ ქსელებში ასევე გაიოლებულია გვერდების ზევით და მარჯვნივ განლაგებული ღილაკებით, რათა ხელი შევუწყოთ განხილულ საკითხებზე დისკუსიის გაჩაღებას და გაფართოებას. სოციალურ ქსელში სტატიის გასაზიარებლად საკმარისია დავპოსტოთ ბმული, რომელიც ავტომატურად გადმოიტანს სტატიის შემცირებულ გამოსახულებას.
და ბოლოს, ერთი ახალი მაჩვენებელი ახლავს თითოეულ სტატიას : წაკითხვისათვის საჭირო საშუალო დრო წუთებში.
საიტი ოპტიმიზებულ იქნა. უკეთაა მორგებული მობილურზე საკითხავად და, ზოგადად, ჩამოტვირთვისა და გამოსახვის სიჩქარის საგრძნობლად მომატებისათვის. ეს ტექნიკური წინსვლა ამიერიდან TAI-ს საიტს უთანაბრებს ათასობით საიტს მსოფლიოში მისი პოვნის სიიოლის თვალსაზრისითაც.
სრულიად განსაკუთრებული ყურადღება ეთმობა იმ ინსტრუმენტებს, რომლებიც საშუალებას გვაძლევს, მივყვეთ პუბლიკაციებს და შევინარჩუნოთ კავშირი:
- ერთი ღილაკით შეგვიძლია გამოვიწეროთ სიახლეები (ქართული დაემატება მალე), რათა კვირაში ერთხელ ელექტრონული ფოსტით მივიღოთ ბოლოს გამოქვეყნებული მასალები,
- ფეისბუკისა (ქართული) და ტვიტერის (ქართული) ქსელები მუდმივ და მოსახერხებელ კავშირშია საიტთან,
- იუტუბ არხის (ქართული დაემატება მალე) გამოწერით მივიღებთ ვიდეოებისა და შესაბამისი სტატიების ატვირთვის შეტყობინებებს,
- ტექნიკაში ყველაზე მეტად გარკვეულთათვის არის თავისუფალი RSS ნაკადები ბოლოს ატვირთული სტატიებით,
- და ბოლოს საკონტაქტო ფორმულარი კლასიკურ, მაგრამ ძალიან ეფექტურ საშუალებად რჩება.
„ბლოგი“ (ქართული დაემატება მალე) საიტის მესამე დიდი დანაყოფია.
ამიერიდან კომენტარებს აწესრიგებს DISQUS და ეს სიახლე აუმჯობესებს დისკუსიას სტატიების ირგვლივ, სწორედაც კლასიფიცირების, შერჩევის, ნაწერით გამდიდრების, ბმულების პრევიზუალიზაციისა და კენჭისყრის წყალობით. ამიერიდან უფრო იოლია კომენტირება, გნებავთ იმეილით, გნებავთ ფეისბუკის, ტვიტერის ან გუგლის საშუალებით.
ამასთან შესაძლებელია გაწევრიანდეთ ბლოგში და მიიღოთ ხოლმე შეტყობინება, როდესაც ესა თუ ის საუბარი გამდიდრდება ახალი კომენტარებით.
ცოდნის გადაცემის გარდა TAI-ის იდეა თავიდანვე გახლდათ მკითხველების წახალისება აიკიდოში ვარჯიშისაკენ და ევენტუალურად დაკავშირება ტაკემუსუს სწავლების სხა დოჯოებთან, თუკი მათ ეს სურთ. ამიტომაა, რომ რუბრიკა „პრაქტიკა“ საიტის მეოთხე და უკანასკნელ საყრდენს წარმოადგენს. ის ავტომატურად გაგზავნით ეროვნული საიტებზე განთავსებული ცნობების, მათი საკონტაქტო პირების, მათი კალენდრებისა და მათ დოჯოებში დამკვიდრებული პრაქტიკის განსხვავებული მოდალობებისაკენ.
ცენტრალიზებული თარგმანი ფრანგული საიტიდან შეწყდა. სხვადასხვა ენებზე ნათარგმნი საიტები დღეიდან განთავსდება პირდაპირ ITAF-ის ეროვნულ საიტებზე. გვერდის ქვევით მოთავსებული ბმულებით დაუკავშირდება ერთმანეთს თარგმანები. TAI-ს საიტის რომელიმე სტატიის თარგმნისას და ეროვნულ საიტზე მისი განთავსებისას ერთადერთი პირობა ის გახლავთ, რომ თარგმანის განთავსების გვერდზე უნდა აისახოს ბმული, რომელიც შესაბამის დედან სტატიაზე გადაგვიყვანს aikidotakemusu.org საიტზე.
გთხოვთ, წინასწარ გაგვაფრთხილოთ საკონტაქტო ფორმულარით სტატიის გამოქვეყნების თაობაზე.
და ბოლოს, იუტუბ არხი, რომელის გამოწერაც შეიძლება, წარმოადგენს თქვენს განკარგულებაში მყოფი ვიდეოების დიდი რაოდენობა, როგორც ტაკემუსუ ასოციაციის დიდი ვიტრინა.
ყოველივე ზემოთქმულიდან გამომდინარე, გასაგებია, რომ TAI-ს საიტის მესამე ვერსია წარმოადგენს წლების მანძილზე შეძენილი და სტატიებად წარმოჩენილი ცოდნის თავმოყრას ისეთი ინფორმაციული ინსტრუმენტით, რომელსაც ძალუძს უკეთ ასახოს ეს განვითარება, რადგანაც დღეს იგი თავად მდებარეობს ტექნოლოგიური შესაძლებლობების განვითარების მწვერვალზე.
როდესაც რომელიმე მოქმედება სწორი და მართალია, მიწა და ცა აერთიენებენ თავიანთ ძალისხმევას, რათა ამან ნაყოფი გამოიღოს. მწამს, რომ TAI-ს საიტის გული მართალია, ხოლო ფრანსუა დიუკროს მოქმედებაში, ვინც უკვე თექვსმეტი წელია, თავის ცოდნასა და დროს სრულიად უანგაროდ გასცემს, ცისა და მისი ერთიანობის გამოვლინებას ვხედავ. უმისოდ მე ვერასდროს შევძლებდი ივამაში, საიტო სენსეისგან მიღებული ცოდნის ასეთი ეფექტურობით გადაცემას, გავაგრძელებდი სწავლებას და კამათს მეტ-ნაკლებად ჩემი ტაფის გარშემო, ხოლო ჩემი მოქმედება ვერასდროს მიაღწევდა ამდენ კაცამდე და ქალამდე მთელ მსოფლიოში. კიდევ ერთხელ მინდა მადლობა გადავუხადო მას ჩართულობისა და მისი ერთგულების გამო TAI-ის იდეალების მიმართ.
ფილიპ ვოარინო, 2019 წლის 1-ელი ივნისი.
